Per metter in segn da speronza e da colligiaziun envidan la Conferenza dils uestgs svizzers ensemen culla Cumissiun evangelica svizra  entras in messadi cumineivel tuts cartents da schar arder mintgamai la gievgia sera allas 20.00 uras ina candeila e da postar quella veseivlamein sin sem-finiastra da Vossa casa ni habitaziun, da far in tec oraziun, p. ex. recitar il Bab nos: per ils malsauns dil virus, per ils emploiai dils survetschs da sanadad e per tuts carstgauns che sesentan isolai duront quei temps burasclus.

«Per els tuts rughein nus Diu per agid e demussein aschia nossa attaschadad», aschia il president dalla Conferenza dils uestgs svizzers, msgr. DDr. Felix Gmür.

Ina mar da candeilas duei sclarir vidora ella tiara. L’acziun cuoza entochen Gievgia sontga.

Mintga gievgia e da Pastgas sera allas 20.00 uras tuccan ils zenns dallas baselgias svizras per envidar tuts cartents all’oraziun e meditaziun. Nus lein seregurdar ed urar en special:

• per tuts pertuccai dil coronavirus
• per ils miedis, ils emploiai dils spitals e dallas organisaziuns da sanitad
• per ils menaders che ston prender decisiuns
• per ils sciencists che tschercan in remiedi encunter il virus
• e per tuts defuncts ch’ein daventai unfrenda dalla pandemia

Las baselgias dalla Pleiv s. Gions tuccan mintga dumengia allas 11.00 uras tut ils zenns sco segn dalla dumengia ed invit all’oraziun.

Per metter in segn da speronza e da colligiaziun envidan la Conferenza dils uestgs svizzers ensemen culla Cumissiun evangelica svizra  entras in messadi cumineivel tuts cartents da schar arder mintgamai la gievgia sera allas 20.00 uras ina candeila e da postar quella veseivlamein sin sem-finiastra da Vossa casa ni habitaziun, da far in tec oraziun, p. ex. recitar il Bab nos: per ils malsauns dil virus, per ils emploiai dils survetschs da sanadad e per tuts carstgauns che sesentan isolai duront quei temps burasclus.

«Per els tuts rughein nus Diu per agid e demussein aschia nossa attaschadad», aschia il president dalla Conferenza dils uestgs svizzers, msgr. DDr. Felix Gmür.

Ina mar da candeilas duei sclarir vidora ella tiara. L’acziun cuoza entochen Gievgia sontga.

Acziun ecumena: tuchiez communabel

Plinavon vegn tuccau ils zenns mintga gievgia sera entochen  Gievgia sontga sera allas 20.00 uras e da Pastgas sera, sco invitaziun all’oraziun dalla sera.

Las baselgias dalla Pleiv s. Gions tuccan mintga dumengia allas 11.00 uras tut ils zenns sco segn dalla dumengia ed invit all’oraziun.

Muort las restricziuns pertuccont il coronavirus crodan tuttas messas e devoziuns pil proxim temps!

Las baselgias s. Gions, Segnas e Cavardiras vegnan scaldadas mintga dumengia denter las 13.00 uras entochen las 17.00 uras per adoraziun tgeua. Baselgias e capluttas restan aviartas sco usitau.

Sepulturas han liug mo el stretg ravugl dalla famiglia.
La radunonza generala dalla pleiv vegn stuschada sin pli tard.

(publicaziun dils 13 da mars 2020):

Tuttas restricziuns sut valan adina cun risguardar las directivas dil stadi!

• battens han liug mo el stretg ravugl dalla famiglia
• fiastas dalla’emprema communiun han buca liug uonn egl uestgiu. Ei vegn recumandau als geniturs d’eleger in survetsch divin dalla dumengia cugl affon e festivar aschia sia emprema s. communiun
• dapli che 50 persunas astgan buca visitar in survetsch divin
• la fiasta dalla s. creisma vegn buca festivada avon ils 30 d’avrel 2020. Viadis da confirmands ein scumandai.
• prender penentienzia en confessiunal ha mo liug sch’il garter ei cuvretgs cun ina folia transparenta
• lètgs vegnan serradas en baselgia mo el stretg ravugl dalla famiglia
• l’uncziun dils malsauns ha liug individualmein e cun risguardar mesiras da higiena, devoziuns da cuminonza ein scumandadas
• sepulturas ston esser aschia che las persunas dalla famiglia serepartan aschi lunsch in ord l’auter en baselgia sco pusseivel
• l’instrucziun da religiun croda
• baselgias e capluttas restan aviartas per l’oraziun persunala, sch’ei fa da basegns sul temps usitau ora

Cun nossa presenza ella reit electronica lein nus porscher a nossas parochianas e nos parochians informaziuns actualas ed aschia slargiar nies survetsch. Plinavon duei la pagina esser il ligiom cun persunas dalla Bassa che giavischan medemamein da saver tgei che marscha tier nus en pleiv. Sper las occurrenzas dalla pleiv, ina agenda, las annunzias da mortoris ed aunc auter, anfleis Vus ultra da quei informaziuns interessantas davart nos sanctuaris e davart las diversas gruppaziuns che s’engaschan di per di per il beinstar dalla pleiv.

Cun mesjamna dalla tschendra ha il temps da cureisma entschiet, v.d. ils curonta dis da preparaziun per l’jamna sontga e Pastgas. Il tema dalla cureisma d’uonn secloma: “Jeu raccoltel quei che jeu semnel”.

Vus haveis retschiert il material da cureisma cul satget d’unfrenda che vegn prida si la dumengia da palmas. Nus recumandein gia oz quell’unfrenda sco segn da solidaritad per nos concarstgauns en miseria. Tgi che ha buca retschiert il material da cureisma per posta sa sesurvir en pierti-baselgia.