general

Tuchiezs dallas baselgias e capluttas dalla pleiv

Baselgia parochiala s. Gions, Vitg/Mustér

Zenn da s. Gion (1917) b0, peisa: 3090 kg ø 180 cm
Inscripziun: Ils vivs clomel jeu, ils morts cumpognel jeu, auras stempradas retegnel jeu, tiel fiug dedestel jeu – Giesserei Rüetschi Aarau 1917
Maletgs: curcifigaziun da Cristus, Maria cugl affon Jesus. Detagls davart il zenn mira sut sursassiala.ch

Zenn da s. Carli (1821) des‘, peisa: 1650 kg ø 140 cm
Schurmegi nuss dell‘aua, tempiasta neif et Fiug, camond che la malaura s‘absenti de quest liug, soing carli a soing michel
Inizialas J. B. M. F. MDCCCXXI (Johann Baptist Monzini Fecit 1821), Ol zenn ei vegnius culaus – sco ei era usit da quei temps – el liug, pia a Mustér.

Zenn da s. Placi e s. Sigisbert (1821) es‘, peisa: 1050 kg ø 125 cm
Il on melli e pli siatchen novonta nof, la rabia dil schuldau franzos – il sis de matg a dau Fiug ach strof Muster avent battiu culs nos – soing plazi a soing sigisbert
Inizialas J. B. M. F. MDCCCXXI (Johann Baptist Monzini Fecit 1821), il zenn ei vegnius culaus a Mustér

Zenn da Nossadunna dallas dolurs (1821) as‘, peisa: 600 kg ø 104 cm
Maria nossa chara dunna, sco biars an viU cun grond temer, a BARGIU per la sfortuna a ver en fiug tut il muster – nossa dunna de las dolurs
Inizialas J. B. M. F. MDCCCXXI (Johann Baptist Monzini Fecit 1821), zenn ei vegnius culaus a Mustér

Baselgia s. Bistgaun e s. Roc, Segnas

1649 survegn la caplutta da Segnas in zennet, il zenn pign dalla baselgia hodierna. Quel ei vegnius culaus dad Ernst Theodosius a Lindau. THEODOSIUS ERNST IN LINDAW GOS MICH ANNO DOMINI 1649. Ins vesa sil zenn mintgamai in maletg da sogn Roc ed in da sogn Bistgaun aschia ch’ el ei era dedicaus a quels dus sogns. Il zenn peisa circa 70 kilogramms ed ha in diameter da 47.5 meters. El ei oriundamein staus intonaus en „g“, ha denton entras ils onns alzau siu tun sin in „as“.
Beinspert sto la veglia caplutta da sogn Bistgaun, sogn Roc, sogn Flurin e sogn Glieci esser stada memia pintga. Ins ha baghegiau ina nova caplutta, in sanctuari pli grond.
1668 eis ei stau aschi lunsch, la baselgia nova era finida. Dalla caplutta veglia han ins surpriu il maletg digl altar ed il zenn. Lez ha survegniu in cumpogn, il zenn grond dad oz. El ei buca dedicaus ad in sogn, mobein porta sulettamein l‘ inscripziun: “A TEMPESTATE PESTE FAME ET BELLO LIBERA NOS DOMINE”, quei che munta: da tempiastas, muria, fom ed uiara pertgira nus, o Segner. Medemamein vesan ins in pign maletg che muossa Cristus vid la crusch. Plinavon anflan ins aunc l‘ inscripziun “GOS MICH GAUDENTZ HEMPEL IN CHUR, ANNO DOMINI MDCLXIIII”. Pia ei il zenn vegnius culaus dad in Gaudenz Hempel da Cuera igl onn 1664. Il zenn ha in diameter da 57 centimeters ed ina peisa da circa 130 kilos. El ei oriundamein intonaus en „d“. Suenter ils onns setila il tun denton plitost sin „es“.
Ils 28 d‘ avrel 1991 vegn il niev zenn benedius entras il caplon sur Pius Venzin. Stiafen Riedi daventa padrin dil zenn, sia sora Lucia madretscha. Ella substituescha siu frar Victor che ha ord motivs da sanadad deplorablamein buca saviu far part alla fiasta da „siu figliel“.
In di pli tard, ils 29 d‘ avrel allas 13.15 uras vegnan ils treis zenns tratgs dalla buobanaglia dil vitg sin clutger. Dapi ils 2 da matg 1991 cloman treis zenns il cartents da Segnas en baselgia. Ils 15 da matg 1991 vegn era igl automat mess en funcziun, il tuchiez ei ussa finius.

Baselgia s. Antoni da Padua, Cavardiras

1. Zenn da s. Antoni, ø 97 cm; Tonalitad: gis’; Peisa: 514 kg cun inscripziun: ECCE CRUCEM DOMINI, FUGITE PARTES ADVERSAE, VICIT ENIM DE TRIBU JUDA, RADIX DAVID ALLELUJA – S. ANTONI DA PADUA, ROGA PER NUS – ANNO 1984 – DEDICAUS A S. ANTONI DA PADUA – GLOCKENGIESSEREI H. RÜETSCHI AG AARAU Maletg: s. Antoni
2. Zenn da s. Benedetg e s. Placi, ø 83 cm; Tonalitad: h’; Peisa: 332 kg cun inscripziun: IN HONORE S. BENEDICTI ET S. PLACIDI MAR. UT IN OMNIBUS GLORIFICETUR DEUS – ANNO 1984 – DEDICAUS A S. BENEDETG E S. PLACI * GESTIFTET VON RUTH UND RAINER WEIBEL-GERSTER LAUFEN – GLOCKENGIESSEREI H. RÜETSCHI AG AARAU Maletg: s. Benedetg
3. Zenn da s. Paul, ø 73 cm; Tonalitad: cis”; Peisa: 251 kg cun inscripziun: S. PAUL PERTGIRA NUS DA BOVAS E LAVINAS – ANNO 1984 – DEDICAUS A S. PAUL * GLOCKENGIESSEREI H. RÜETSCHI AG AARAU Maletg: s. Paul
4. Zenn da Maria, ø 63 cm; Tonalitad: e”; Peisa: 161 kg cun inscripziun: AVE MARIA GRATIA PLENA, ORA PRO NOBIS – ANNO 1984 – DEDICAUS A NOSSA DUNNA * GESTIFTET VON FAMILIE SIEGFRIED SEYFFERT, BRAUNWALD GLOCKENGIESSEREI H. RÜETSCHI AG AARAU Maletg: Nossadunna

Caplutta da s. Valentin e s. Brida, Mumpé Medel

  1. Zenn, ø 55 cm. Tonalitad: f”, inscripziun: SEBASTIANUS LUZ TUTOR ET BENEFACTORES ANNO 1790. Maletgs: crucifix, Maria, Placi e Sigisbert, s. Gion Battesta, culaus da Jacob Grasmair da Feldkirch
  2. Zenn, ø 48.5 cm. Tonalitad: as”, inscripziun: JACOB GRASMAIR IN FELDKIRCH HAT MICH GEGOSSEN ANNO 1807. Maletgs: Maria, s. Michel, Ecce Homo e la gruppa dalla crucifigaziun. SOLI DEO GLORIA.

Caplutta da Maria Immaculata ad Acletta

Zenn pign: tonalitad en b“, peisa: 70 kg, diameter: ø 44.5 cm
Inscripziun: THEODOSIUS ERNST IN LINDAW GOS MICH ANNO DOMINI 1635.
Maletgs: Nossadunna, crucifigaziun da Cristus. 

Zenn grond: tonalitad en g“, peisa 100 kg, diameter: ø 50.5 cm
Inscripziun: MELCHIOR MAURER IN VELKIRCH GOSEN 1678
Maletgs: Immaculata, s. Giachen, maletg dalla crucifigaziun. 

Caplutta da s. Giachen a Cuoz

Il zenn datescha digl on 1910 ed ei intonaus en c”. El ha da sias uras remplazzau il zenn vegl che derivava dalla firma Grassmayr da Lindau.