Regulativ d‘indemnisaziun per survetschs da baselgia 

Artechel 2: Da principi vegnan tuts survetschs da baselgia dalla pleiv Sogn Gions exequi entras ils plevons engaschai. Semuossa il cass ch‘igl ei buca pusseivel d‘exequir in survetsch entras ils plevons engaschai, astgan plevons gidonters segidar.

Artechel 3: Ensemen cun il secretariat vegn il plan pils survetschs da baselgia entras il plevon responsabel fixaus. Suenter consultaziun e sclariment entras il plevon responsabel astga in plevon gidonter vegnir engaschaus

Artechel 5: Persunas che han specials giavischs (sco per exempel spiritual preferiu, baselgia ni caplutta preferida etc.) han da pagar las indemnisaziuns tenor art. 4 sco era  ina indemnisaziun da  frs. 50.00 tier nozzas e frs. 20.00 tier battens allas calustras/calusters. 

Tier l‘annunzia da tals giavischs indicheschan il plevon responsabel ni il secretariat las indemnisaziuns ch‘ein da pagar. Ils ugaus baselgia ni ils ugaus caplutta incasseschan l‘indemnisaziun ed ein responsabels per la repartiziun als pertuccai. 

Artechel 6: Persunas che pagan buca taglia en nossa pleiv pagan las suandontas indemnisaziuns:
(excepiu persunas naschidas e carschidas si ella pleiv; pil survetsch a talas persunas vegn il spiritual indemnisaus supplementar.)
1. Battens frs. 160.00
2. Nozzas frs. 350.00
3. Sepulturas frs. 500.00
4. Discuors pastorals cun la famiglia en malencurada, spusai, geniturs tier battens frs.  50.00  per ura
5. Satrar urna senza survetsch divin frs. 100.00
Ils ugaus baselgia ni ils ugaus caplutta incasseschan l‘indemnisaziun ed ein responsabels per la repartiziun als pertuccai. 

Artechel 7: Per persunas  extradas dalla baselgia  e per las qualas la parentella giavischa ina sepultura vala la suandonta indeminsaziun: frs. 750.00
Igl ugau baselgia tschenta quen e reparta las indeminsaziuns als pertuccai.

Suandei nus per plascher sin: