Venderdis, ils 15 da matg
9.30 A s. Gions: Messa fundada per Monica Venzin (priu suenter) e per Elisabeth Berther
Sonda, ils 16 da matg
s. Gion Nepomuk
11.00 Ad Acletta: Messa commemorativa per Augustin Condrau, naschius ils 02-02-1934 a Mustér e morts ils 03-05-2026 a Grabs (sur Alexi Manetsch)
19.00 A Segnas: Survetsch divin per la dumengia; m.f.p. Gion e Turtè Deflorin-Maissen e per Rita ed Albert Berther-Durschei ed affons
Dumengia, ils 17 da matg
17.dumengia da Pastgas – unfrenda per lavurs da communicaziun ella baselgia
9.30 A s. Gions: Messa gronda*; messa caudonn per David Condrau e per sia tatta Alexandra Condrau-Hendry e m.f.p. Dumeni Manetsch-Deflorin, per Rest Anton e Giulia Lombris-Manetsch e per Aluis Herger-Flury
11.00 A Pardomat: Messa en honur da s. Antieni (sur Mathew). Suenter messa benedescha sur Mathew la gruppa MT (Motorradgruppe) dalla regiun
19.30 En baselgia da Nossadunna: Devoziun dil matg cun allocuziun d’avat Vigeli Monn
Gliendisdis, ils 18 da matg
14.00 A s. Gions: Survetsch divin funeral* cun sepultura dall’urna dil defunct Linus Flepp
Mesjamna, ils 20 da matg
19.00 A Disla: Messa fundada per Giusep ed Imelda Bigliel-Flepp ed affons e per Barla e Fridolin Flepp-Maissen
Gievgia, ils 21 da matg
19.00 A Segnas: Rusari da morts per la defuncta Julia Fry-Desax
19.30 En baselgia s. Gions: Emprova da cant per in e scadina ensemen culs Chors baselgia s. Gions e Tujetsch. Ei vegn exercitau in per novas canzuns ord il niev cudisch da cant «clom». Tuts ein cordialmein beinvegni
Venderdis, ils 22 da matg
La damaun ei buca messa
14.00 A s. Gions: Survetsch divin funeral* cun sepultura dall’urna dalla defuncta Julia Fry-Desax
Sonda, ils 23 da matg
A Segnas ei oz buca messa
Dumengia, ils 24 da matg
Tschuncheismas – Vernissascha dil niev cudisch da cant «clom»
9.30 A s. Gions: Messa festiva culla presentaziun dil niev cudisch da cant «clom». M.f.p. Alexi Flepp-Stadler, per Carli ed Alice Maissen-Jacomet e per Peter Leonhard Tenner-Schnoz e consorta. Duront quei survetsch divin collaboreschan prof. dr. Andrea Bernhard, plevon reformau, sur Mathew, sur Alexi Manetsch, sur Giusep Venzin e pader decan p. Bruno Rieder. Ils chors baselgia s. Gions e Tujetsch contan communablamein cul pievel canzuns ord il niev cudisch da cant «clom»
Suenter messa ein tus presents envidai ad in aperitiv avon il Puntreis (da mal’aura en halla Cons)
19.30 En baselgia da Nossadunna: Devoziun dil matg cun priedi da sur Mathew Kurian
Gliendisdis-Tschuncheismas, ils 25 da matg
Di dalla s. Creisma en pleiv s. Gions
9.30 A s. Gions: Messa festiva* cun msgr. avat Vigeli Monn ensemen cun nos 11 premcommunicants.
Suenter messa vegn surviu a tuts presents in aperitiv avon casa pervenda, preparaus dil Cussegl pastoral (da mal’aura en halla Cons)
Vernissaschas dil canzunari ecumen «clom» en sur- e sutsilvan
Ellas pleivs romontschas dalla Sur- e Sutselva vegn ei cantau dapi decennis ord ils canzunaris Canzuns choralas (1965, reformau) ed Alleluja (1982, catolic).
En quei temps ei denton era il cant baselgia sco part essenziala per la
cuminonza els survetschs divins semidaus. Quei fatg vulan las baselgias catolicas e reformadas risguardar en lur regiuns ecclesiasticas.
Ils teologs Andri Casanova (cat.), Vrin, e Jan-Andrea Bernhard (ref.), Glion, ein vegni incumbensai cull’elaboraziun d’in niev canzunari romontsch en fuorma ecumena. En quei process eis ei stau impurtont da ver d’entschatta enneu il sustegn da persunas dil fatg (varga 30) ord ils roms dalla musica (cant e cumposiziun), baselgia e teologia, sco era dalla historia e linguistica. Suenter nov onns astga il niev canzunari «clom» vegnir surdaus allas pleivs dalla Sur- e Sutselva – en il «clom» ei risguardada la cuntinuitad e tradiziun musicala dad omisduas confessiuns, medemamein cumparan novas cumposiziuns, novs texts, oravontut d’auturas, e texts liturgics ni pastorals cun melodias variontas.
Ilcudisch da cant ei in’ovra ecumena, sustenida dad omisduas baselgias cantunalas e dil cantun Grischun. En survetschs divins festivs da Tschuncheismas vegn il canzunari presentaus en differents loghens – a Mustér, Vella, Ziraun e Sagogn.
Ils meinaproject
Andri Casanova, Vrin/Kriessern
Jan-Andrea Bernhard, Strada/Glion
Ils Chors baselgia Sedrun e Mustér vegnan a cantar canzuns ord il niev cudisch, quei ensemen cul pievel.
Ils 21 da matg allas 19.30 san tuts intressai ord tuttas 3 vischnauncas prender part al cant aviert en baselgia s. Gions. Duront 1 ura vegn exercitau entginas novas canzuns
