Rusari dalla divina misericordia

+ Nies agid ei enten num dil Segner
Che ha fatg tschiel e tiara


Paternies 

Bab nos,
qual che Ti eis en tschiel,
sogns vegni fatgs il tiu num,
Tiu reginavel vegni tier nus.
Tia veglia daventi sin tiara sco en tschiel. Nies paun da mintga di dai a nus oz. Perduna a nus nos puccaus
sco nus perdunein a nos culponts.
E meina nus buc en empruament, mobein spendra nus dil mal. 
 
Salidada 

Salidada, seigies Ti Maria,
pleina da grazia, il Segner ei cun Tei. Ti eis benedida denter las dunnauns
e benedius ei il fretg da Tiu best Jesus. Sontga Maria, mumma da Diu,
roga per nus pucconts,
uss e sin l’ura da nossa mort.
Amen. 

Cardientscha 

Jeu creiel enten in Diu,
Bab tutpussent,
scaffider il tschiel e dalla tiara ed enten siu sulet sogn Fegl, nies Segner Jesus Cristus. 

Il qual ei retscharts dil sogn Spért, naschius da Maria purschala.
Ha endirau sut Pontius Pilatus,
ei vegnius crucifigaus, morts e satraus, ei ius giu enten ils uffiarns, 

il tierz di levaus si da mort en veta,
ei ius a tschiel e sesa da vart dretga dil Bab tutpussent, danunder ch’el vegn a vegnir per derschar sur vivs e morts. Jeu creiel enten il sogn Spért,
ina sontga catolica baselgia,
la cuminonza dils sogns,
la remischun dils puccaus,
la levada dalla carn e la veta perpetna.
Amen. 


Curals gronds (1x):
Bab perpeten, sin tiu tgierp e saung, l’olma e la divintad da tiu zun carezau Fegl Niessegner Jesus Cristus, unfreschel jeu per remischun da nos puccaus ed ils puccaus digl entir mund.

Curals pigns (10x):
Tras siu pitir dolorus
hagies cumpassiun cun nus ed il mund entir.

Per la finiziun (3x):
Sogn Diu, sogn e ferm Diu,
sogn ed immortal Diu, hagies cumpassiun cun nus ed il mund entir.

Documents

Document Descripziun Date added
pdf Rusari dalla misericordia 22. März 2020 9:21