Collecta per la diocesa da Puttur a caschun dalla fiasta da Cristus Retg

Nies plevon sur Mathew deriva dalla diocesa da Puttur, ina giuvna diocesa, fundada pér igl onn 2010 ord ina part dalla diocesa Bathery. Puttur sesanfla el territori da Karnataka en l’India dil Sid. La Diocesa da Puttur se- dedichescha oravontut alla scolaziun dils affons e dils giuvens. Biaras scolas fundadas dalla diocesa vegnan frequentadas da scolaras e scolars da tuttas confessiuns. Igl onn 2012 ei plinavon vegniu fundau ina scola per affons impedi, nua ch’affons denter 5–15 onns vegnan scolai tenor lur pusseivladads corporalas ni spirtalas. En vesta dalla gronda paupradad el territori dalla diocesa segida la baselgia ton sco ella po cun lavur sociala ed igl agid allas famiglias. Il coronavirus ha tuccau quella regiun grevamein. Ina reit sociala sco cheu tier nus dat ei en quella regiun buca. La situaziun finanziala digl ues- tgiu ei fetg precara. Aschia ha igl uest da Puttur, Ge- everghese Mar Makarios supplicau era nus per agid fi- nanzial. A caschun dalla fiasta da Cristus Retg vegnin nus a prender si en baselgia la collecta en favur digl uestgiu da Puttur. Damai che biaras e biars san muort las restricziuns actualas buca prender part dallas messas, saveis Vus era segidar cun la diocesa da nies plevon cun ina contribuziun sil conto dalla Baselgia s. Gions IBAN CH14 8107 2000 0011 0797 2 cun la remarca «Puttur». La suprastonza dalla Pleiv recamonda grondamein la collecta da Cristus Retg en favur dalla diocesa da Puttur.