Nozzas e battens

Battens

Ferton ch'ei era pli baul cundiziun ch'ils affons vegnevan battegiai en baselgia parochiala, san las famiglias decider oz en tgei baselgia ni caplutta ch'ellas giavischan da schar battegiar lur affons. Succeda il batten en ina da nossas baselgias ni capluttas entras in da nos spirituals ei il survetsch per parochianas e parochians da nossa pleiv gratuits. La pleiv regala mintgamai la candeila da batten.

Suandontas baselgias possedan in crap da batten: S. Gions e Segnas. Igl ei denton era pusseivel da battegiar en ina dallas ulteriuras baselgias ni capluttas. Il diever dallas baselgias e capluttas ei per parochianas e parochians da nossa pleiv gratuits.

Damonda per schar battegiar

 

Nozzas

Era tier las nozzas san ils nozzadurs eleger lur baselgia ni caplutta preferida. Succedan las nozzas en ina da nossas baselgias ni capluttas entras in da nos spirituals ei il survetsch per parochianas e parochians gratuitas. Nozzadurs d'ordlunder che giavischan da festivar lur nozzas en in da nos sanctuaris san far quei cun tschentar la damonda corrispundenta al secretariat. Quel contactescha il responsabel dalla baselgia ni caplutta pertuccada. Ils prezis sedrezzan tenor il regulativ d'indemnisaziun dalla Pleiv S. Gions.

Suandontas baselgias possedan in'orgla: S. Gions, S. Antoni a Cavardiras, S. Roc e S. Bistgaun a Segnas, Nossadunna Immaculata ad Acletta. Per plidentar igl organist ein ils nozzadurs responsabels. Il secretariat segida leusuenter. Organists d'ordeifer han da risguardar il regulativ per il diever dallas orglas dalla pleiv.

Damonda per maridar