Cordial beinvegni sin nossa pagina d'internet. Cun nossa presenza ella reit electronica lein nus porscher a nossas parochianas e nos parochians informaziuns actualas ed aschia slargiar nies survetsch. Plinavon duei la pagina esser il ligiom cun persunas dalla Bassa che giavischan medemamein da saver tgei che marscha tier nus en pleiv. Sper las occurrenzas dalla pleiv, ina agenda, las annunzias da mortoris ed aunc auter, anfleis Vus ultra da quei informaziuns interessantas davart nos sanctuaris e davart las diversas gruppaziuns che s'engaschan di per di per il beinstar dalla pleiv. 

 

 

 

 

 


Nus encurin per schubergiar e per lavurs da manteniment dalla baselgia parochiala a s. Gions

1 -2 persunas (dunnas ni umens) per schubergiar la baselgia.

Incarica:     Mantener schuber la baselgia entras scuar e tenor basegns, lavar si il plantschiu, far giu las puorlas da bauns, altars e curnischs, mantener schuber l’entrada e l’encarna da ruaus. Ina gada ad onn (zercladur) coordinar da schubergiar da rudien l’entira baselgia.

La lavur sa vegnir exequida per ordinari a moda flexibla duront l’jamna ora. Gest tenor diever dalla baselgia sa ei era capitar che quella sto vegnir schubergiada extraordinariamein. Il pensum cumplein da lavur munta a ca. 6-10 uras per jamna. Il pensum sa era vegnir repartius sin pliras persunas. Nus purschein ina indemnisaziun adequata e prestaziuns socialas al temps dad oz. Entschatta digl engaschi: 1 da mars 2018 ni tenor cunvegnientscha. Nus spitgein bugen Vossa annunzia entochen ils 27 da schaner 2018, adressada alla Pleiv s. Gions, p.m. Signur Aldo Tuor, Via Sursilvana 18, 7180 Mustér. Per sclariment pli detagliau stattan igl ugau-baselgia Romeo Schmed (telefon 081 947 46 52) ni il president dalla Pleiv, Aldo Tuor (telefon 079 760 21 46), bugen a Vossa disposiziun.


 

Für unsere Gäste

Leider finden Sie die vorliegenden Seiten grösstenteils nur in romanischer Sprache. Auf Wunsch verschiedener Seiten können Sie jedoch beim Tourismus-Büro in Disentis einen kleinen Kirchenführer beziehen, den wir speziell für Sie zusammengestellt haben. Das Heft ist auf dem neusten Stand der Geschichte und berücksichtigt Grabungen und Veränderungen der letzten Zeit. Einige Angaben zur Geschichte finden sie auch unter www.sursassiala.ch. Für weitere Fragen stehe ich Ihnen gerne zur Verfügung (Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!). Sollten Sie mit uns Kontakt aufnehmen wollen, finden Sie die wichtigsten Adressen unter "Contact ed impressum". Vielen Dank für Ihr Verständnis.